| 583 
yanditswe na Ernest Ndayisaba
Kuri sitatiyo ya polisi ya Kanjongo hafungiye umukozi ushinzwe irangamimerere n’ibibazo by’abaturage mu murenge wa Kanjongo witwa Mugabo Francois kubera gukurikiranwaho guseranya umugore inshuro ebyiri.
Uyu mugore wasezeranyijwe kabiri akaba yitwa Nyirantawuzuzakira Clementine ubu ubarizwa mu mudugudu wa Kamina,akagari ka Raro umurenge wa Kanjongo.
Nkuko twabtangarijwe n’umukozi ushinzwe irangaminmerere n’ibibazo by’abaturage mu murenge wa Kagano ku murongo wa telefone,ngo uyu Nyirantawuzuzakira Clementine yabanje gusezeranira I Kagano ariko nyuma y’ayo masezerano ntago yigeze abana n’umugabo we.
Uyu mukozi ushinzwe irangaminmerere n’ibibazo by’abaturage mu murenge wa Kagano yakomeje atubwira ko icyo yibuka aruko umugabo wari wasezeranye na Nyirantawuzuzakira Clementine yaje kwaka icyemezo cyo gusezerana (attestation de mariage) kuko ngo yashakaga kwaka gatanya (divorce).
Twagerageje kuvugana n’umuyobozi w’umurenge wa Kanjongo Nidindayino J. Claude ariko telefone ye igendanwa ntitwabasha kuyibona,ibindi kuri iyi nkuru tukaza kubibagezaho nitumara kubimenya byose.
Kugeza ubu Nyirantawuzuzakira Clementine nawe akaba ari mu maboko ya polisi.
Ernest NDAYISABA
Umuryango.com
