| 390 
yanditswe na Ernest Ndayisaba
Kuva kuri uyu wa gatatu tariki ya 9 Gicurasi abantu batanu aribo Kayiranga Emmanuel,Ngizwenayo Jean Damascene,Ntakirutimana Alfred na Sindayiheba Vincent bayobowe n’umucungamari wa banki y’abaturage y’u Rwanda agashami ka Bugarama mu karere ka Rusizi Rwubaka Alphonse bagejejwe mu maboko y’ubushinjacyaha aho bakurikiranyweho ubujura ndetse no gukoresha impapuro mpimbano.
Aba bagabo bakaba bashinjwa kuba bariganye sheki y’umunyamuryango wa Banki y’abaturage y’u Rwanda Barwanashyaka Edouard ubusanzwe uba I Kigali maze bakabikuza amafaranga ari kuri konti ye anagana na miliyoni zirindwi n’ibihumbi n’ibihumbi magana inani na mirongo itanu (7.850.000 Frw).
Aya mafaranga yose bakaba barayabikurije muri aka gashami ka Bugarama uyu Rwubaka Alphonse abereye umucangamutungo aho yabikujwe n’uwitwa Sindayiheba Vincent.
Kuri uyu wa kane akaba aribwo ubushinjacyaha bwagejeje aba bagabo batanu imbere y’urukiko rw’ibanze rwa Rusizi aho bwasabye ko bakurikiranwa bafunze mu gihe hagikorwa iperereza ku byaha bakurikiranyweho nyuma yo kugaragaza ko bashobora gutoroka.
Biteganyijwe ko urukiko rw’ibanze rwa Rusizi ruri butangaze icyemezo cyarwo ku byifuzo by’ubushinjacyaha kuri uyu wa gatanu ku isaha ya saa kumi zuzuye.
N.E
Umuryango.com
